1. Дух жа я́сна ка́жа, што ў апо́шнія часы́ адсту́пяць некато́рыя ад веры, схіля́ючыся да ду́хаў падма́ну і да вучэ́нняў дэ́манскіх,

2. праз крываду́шнасць ілгуно́ў з іх заклеймава́ным сумле́ннем,

3. якія забараня́юць жанíцца і ўжыва́ць е́жу, якую Бог ствары́ў для таго, каб ве́руючыя і тыя, што спазна́лі ісціну, прыма́лі яе з падзя́каю.

4. Бо ўсё, ство́ранае Богам, — до́брае, і не́льга адкіда́ць нічога, калі яно прыма́ецца з падзя́каю,

5. таму што яно асвяча́ецца сло́вам Божым і малíтваю.

6. Настаўля́ючы ў гэтым брато́ў, бу́дзеш до́брым служы́целем Іісуса Хрыста, узгадава́ным на сло́вах веры і на до́брым вучэ́нні, якое ты прыня́ў.

7. Няго́дных жа і ба́бскіх ба́ек цура́йся, а практыку́йся ў набо́жнасці;

8. бо цяле́снае практыкава́нне дае́ ма́ла кары́сці, а набо́жнасць — для ўсяго кары́сная, пако́лькі ма́е абяца́нне жыцця́ цяпе́рашняга і бу́дучага.

9. Сло́ва гэтае ва́рта даве́ру і заслуго́ўвае по́ўнага прызна́ння.

10. Бо таму і працу́ем мы, і ганьбава́нне це́рпім, што ўскла́лі надзе́ю на Бо́га жыво́га, Які з’яўля́ецца Спасíцелем усіх людзе́й, асаблíва ж — ве́руючых.

11. Прапаве́дуй гэта і вучы́.

12. Няха́й ніхто не пагарджа́е маладо́сцю тваёю; ты ж будзь узо́рам для ве́руючых — у сло́ве, у жыццí, у любо́ві, у ду́ху, у ве́ры, у чысцінí.

13. Паку́ль не прыйду́, займа́йся чыта́ннем, настаўле́ннем, вучэ́ннем.

14. Не занядба́й свайго да́ру, які да́дзены табе паво́дле праро́цтва з усклада́ннем рук свяшчэ́нства.

15. Пра гэта клапацíся, у гэтым трыва́й, каб по́спех твой быў для ўсіх відаво́чны.

16. Ува́жлівым будзь да сябе і да вучэ́ння, трыма́йся гэтага; бо, ро́бячы гэта, і сябе спасе́ш, і тых, што слу́хаюць цябе.